Ration Card E KYC Last Date:रेशन कार्ड ची EKYC अशी करा मोबाइलवरून..थोडेच दिवस बाकी ; महाराष्ट्रातील रेशन कार्ड धारकांसाठी रेशन कार्डची ई-केवायसी (e-KYC) करणे आता अत्यंत बंधनकारक झाले आहे.
जर तुमच्या कुटुंबातील सर्व सदस्यांची केवायसी प्रक्रिया पूर्ण झाली नाही, तर तुमचे रेशनचे धान्य बंद होऊ शकते किंवा रेशन कार्डमधून संबंधित सदस्याचे नाव देखील कमी होऊ शकते.
ही प्रक्रिया पूर्ण करण्यासाठी आता कोठेही बाहेर जाण्याची गरज नसून, तुम्ही तुमच्या स्वतःच्या मोबाईलवरून घरबसल्या ही प्रक्रिया पूर्ण करू शकता. शासनाने यासाठी काही ठराविक दिवस दिले असल्याने लवकरात लवकर ही प्रक्रिया पूर्ण करणे हिताचे ठरेल.
पीएम किसान योजनेचे थांबलेले हफ्ते पुन्हा सुरु होणार नवीन अपडेट्सPM Kisan Insttalment Update
मोबाईलवरून ई-केवायसी करण्यासाठी तुम्हाला सर्वात आधी प्ले स्टोअरवरून ‘Mera KYC’ (मेरा केवायसी) आणि ‘Aadhaar FaceRD’ ही दोन महत्त्वाची ॲप्लिकेशन्स डाऊनलोड करावी लागतील. ‘Mera KYC’ ॲप ओपन केल्यानंतर त्याला आवश्यक परवानग्या देऊन महाराष्ट्र राज्य निवडावे लागेल. त्यानंतर ज्या सदस्याची केवायसी करायची आहे, त्यांचा आधार क्रमांक टाकून ‘Generate OTP’ वर क्लिक करावे. आधार कार्डला लिंक असलेल्या मोबाईल नंबरवर आलेला ओटीपी आणि कॅप्चा कोड भरून सबमिट केल्यावर तुमच्या रेशन कार्डची संपूर्ण माहिती स्क्रीनवर दिसेल.
केवायसीची प्रत्यक्ष प्रक्रिया करण्यासाठी ॲपमधील ‘Face e-KYC’ या पर्यायावर क्लिक करावे लागते. त्यानंतर ‘Aadhaar FaceRD’ च्या मदतीने कॅमेरा सुरू होईल. त्यामध्ये संबंधित व्यक्तीचा चेहरा स्क्रीनवर दिलेल्या वर्तुळात व्यवस्थित धरून डोळ्यांची उघडझाप करायची आहे. चेहरा अचूकपणे स्कॅन झाल्यानंतर ‘e-KYC Registration Successfully’ असा संदेश स्क्रीनवर येईल. याचा अर्थ तुमची नोंदणी प्रक्रिया यशस्वीरित्या पूर्ण झाली आहे.
तुमची केवायसी खरोखर पूर्ण झाली आहे की नाही, हे तपासण्यासाठी तुम्हाला पुन्हा एकदा ॲपमध्ये आधार क्रमांक आणि ओटीपी टाकून लॉगिन करावे लागेल. तिथे ‘e-KYC Status’ समोर जर ‘Y’ (म्हणजेच Yes) असे अक्षर दिसत असेल, तर तुमची केवायसी प्रक्रिया पूर्ण झाली आहे असे समजावे. ही माहिती अत्यंत महत्त्वाची असल्याने आपल्या मित्रपरिवाराला आणि नातेवाईकांना नक्की शेअर करा, जेणेकरून कोणाचेही रेशन धान्य बंद होणार नाही.
महत्त्वाची माहिती पाहण्यासाठी येथे क्लिक करा