Ladki Bahin Yojana 4500 Installment | महाराष्ट्र सरकारची ‘मुख्यमंत्री माझी लाडकी बहीण योजना’ सध्या राज्यातील घराघरात चर्चेचा विषय ठरली आहे. सण-उत्सव असो वा रोजचा प्रपंच, या १५०० रुपयांच्या मदतीने अनेक महिलांना मोठा आधार दिला. पण गेल्या काही दिवसांपासून अनेक बहिणींच्या चेहऱ्यावर चिंतेची लकेर होती. कारण काय, तर ई-केवायसी (e-KYC) पूर्ण करूनही खात्यात पैसे जमा झाले नव्हते. काही ठिकाणी तर संतापलेल्या महिलांनी रस्त्यावर उतरून आपल्या हक्काच्या पैशांसाठी जाबही विचारला.
का रखडले होते पैसे?
अनेकांनी पोर्टलवर तक्रारी केल्या, पण तिथून काहीच प्रतिसाद मिळत नसल्याने गोंधळ वाढला होता. तांत्रिक अडचणी आणि अर्जांची फेरपडताळणी यामुळे हजारो महिलांना या लाभापासून तात्पुरते वंचित राहावे लागले होते. विशेषतः ज्या महिलांचे आधार लिंकिंग किंवा केवायसीचे काम अधुरे होते, त्यांचे हप्ते थांबवण्यात आले होते.
आता आनंदाची बातमी काय?
ज्या बहिणींचे नोव्हेंबर, डिसेंबर आणि जानेवारी या तीन महिन्यांचे हप्ते रखडले होते, त्यांच्यासाठी महिला व बालविकास विभागाकडून एक सुखद धक्का देण्यात आला आहे. आता या तीनही महिन्यांचे मिळून एकत्र ४५०० रुपये महिलांच्या बँक खात्यात जमा करण्याचा निर्णय सरकारने घेतला आहे. त्यामुळे ज्यांचे अर्ज पात्र आहेत पण तांत्रिक कारणाने पैसे मिळाले नव्हते, त्यांना आता एकदम मोठी रक्कम मिळणार आहे.
मतदान कार्ड डाउनलोड करा तुमच्या फोनमध्ये आणि कधीही वापरा.Voter ID Card Download
सरकारचा नवा पवित्रा
केवळ घोषणा करून सरकार थांबलेले नाही, तर आता अधिकारी स्वतः महिलांच्या घरी जाऊन चौकशी करणार आहेत. ज्या महिलांचे अर्ज नियमात बसतात पण तरीही त्यांना लाभ मिळालेला नाही, अशांच्या अडचणी प्रत्यक्ष भेटून सोडवल्या जाणार आहेत. राजकारण आणि निवडणुकांच्या चर्चा बाजूला ठेवल्या, तरी सामान्य कष्टकरी महिलेच्या हातात हे पैसे पडणार असल्याने ग्रामीण भागात आनंदाचे वातावरण आहे.
शेवटी, ही योजना केवळ निवडणुकीपुरती मर्यादित न राहता, खऱ्या गरजू महिलेपर्यंत पोहोचणे गरजेचे आहे. जर तुमची ही केवायसी प्रक्रिया पूर्ण झाली असेल, तर आता मोबाईलवर येणाऱ्या मेसेजकडे लक्ष ठेवा, कारण लवकरच तुमच्या खात्यात ‘माहेरची ही मोठी शिदोरी’ जमा होणार आहे.